ᑌᒪᖕᖓᓕᒫᖅ ᕿᓂᕐᖁᒍᑦ ᓄᑖᓂᒃ ᐱᓯᑎᓂᒃ ᑕᑕᓭᒍᑎᑦᓴᓂᒃ ᓄᓇᓕᓐᓂ ᐱᓇᓱᑦᑎᖁᑎᑦᑎᓂᒃ, ᑎᑭᑎᑦᓯᕕᒋᓚᐅᕐᑎᒍᑦ ᐱᔪᒪᐅᑎᑎᓐᓂᒃ ᐱᓇᓱᑦᑎᕗᓐᓄᑦ ᐃᓚᐅᒍᒪᓗᑎᑦ!
ᐅᒃᑯᐃᖔᕐᑐᓂᒃ ᐱᓇᓱᒐᖃᖕᖏᑲᓗᐊᕐᑎᓗᒍ ᐱᓇᓱᑦᑎᑎᓐᓂ ᐅᓪᓗᒥᐅᑎᓪᓗᒍ, ᑲᐅᑕᒃᑯᑦ ᑎᒍᓯᓲᖑᕗᑦ ᐃᓘᓐᓀᓂᒃ ᑐᑦᓯᕌᖑᒐᑎᒃ ᑎᑭᑦᑐᓂᒃ ᐱᓇᓱᒍᒪᐅᑎᓂᒃ ᐊᑦᔨᒌᖕᖏᑐᓂ ᓴᓇᔨᐅᓂᒃᑯᑦ ᐱᓇᓱᐊᒐᕐᓂ (ᐃᓪᓗᓕᐅᕐᑎ-ᑲᓱᕐᑎᓯᔨ, ᐱᓇᓲᑎᕐᓚᓂᒃ ᐊᖁᑎ, ᑎᒡᒍᑐᕐᑎ, ᒥᖑᐊᕆᔨ, ᐊᓯᖏᓪᓗ).
ᖃᐅᔨᓚᐅᕆᑦ ᖃᓄᖅ ᐱᓇᓱᒐᕐᑖᕆᐊᒥᒃ ᓴᓇᔩᑦ ᐱᓇᓱᐊᒐᖓᓂ!
ᐱᔭᕇᕐᖃᒥᐅᕗᒍᑦ ᐱᓇᓱᐊᕈᓯᐅᓚᐅᔪᒥ ᓄᑖᒥᒃ ᐱᖕᖑᐊᕕᒻᒥ ᑕᓯᐅᔭᒥ. ᑐᓂᔭᐅᓚᐅᔪᑎᓪᓗᒍ, ᓇᑯᕐᒦᖁᒍᑦ ᓈᓐᓯ ᓵᓐᑕ ᓄᓇᕕᒻᒥᐅᒃ ᐃᓂᖁᓇᕐᑐᓂᑦ ᒥᖑᐊᕐᑎᒃ ᒥᖑᐊᓚᐅᔪᖅ ᐊᑭᓐᓇᖓᓂ ᑕᑯᓐᓇᕕᒻᒥᒃ. ᐱᐊᕃᑦ ᐊᔭᒍᑕᒃ ᐃᓕᓐᓂᐊᕕᖓᓂ ᑕᑯᓂᐊᓚᐅᔪᕗᑦ ᒥᖑᐊᕆᖃᑕᐅᑦᓱᑎᑦ ᐊᓪᓛᑦ ᐱᔭᕆᕐᓂᖓᓄᑦ. ᓇᑯᕐᒦᒃ ᓈᓐᓯ ᑕᓯᐅᔭᒥᓗ
ᖄᓕᓗᔭ! ᓄᑖᖅ ᐃᑦᔪᓀᑦᑐᖅ ᒫᓯᐅ ᐊᖕᓕᑲᓐ ᑐᑦᓯᐊᕕᖓ ᓴᓇᔭᐅᔪᕕᓂᖅ ᑲᐅᑕᒃᑯᓄᑦ ᐅᒃᑯᐃᑕᐅᓂᖃᕐᓂᖁᖅ ᐱᓇᓱᐊᕈᓯᐅᓚᐅᔪᒥ ᐳᕕᕐᓂᑐᒥ. ᐃᑉᐱᓂᐊᕐᓇᑐᐹᓗᑦᓱᓂ ᐊᓕᐊᓇᕐᑐᕌᓗᑦᓱᓂᓗ ᐃᖕᖏᖃᑦᑕᓱᑎᑦ ᓂᑦᔭᓗᑦᑖᓱᑎᓗ. ᐊᖕᓕᑲᓐ ᑐᑦᓯᐊᕕᖓᓅᓲᑦ ᐳᕕᕐᓂᑐᒥ ᖁᕕᐊᓱᖃᑎᒌᖃᑦᑕᓛᕐᖁᑦ ᓄᑖᒥ ᑐᑦᓯᐊᕕᒻᒥ!
