ᐱᓇᓱᒐᕐᒥᒃ ᐱᒍᑎᑦᓭᑦ

ᓱᓇᓂᒃ ᐱᓇᓱᐊᓲᖑᓂᕗᑦ

ᓄᓇᓖᑦ ᐱᓇᓱᐊᑦᓴᖁᑎᖏᑦ ᑎᒥᑦᑕ ᐱᓇᓱᐊᕐᓂᐹᕆᓲᖏᑦ, ᐱᒍᑦᔨᓯᑎᐅᑎᓪᓗᑕ ᐱᓇᓱᐊᑦᓴᓄᑦ ᐱᔭᕇᑦᓯᐊᒪᑕ ᑭᓯᐊᓂ ᐲᕈᑎᖓᓂᒃ ᐱᑖᖑᑎᑦᓯᒍᑎᓄᑦ. ᐊᕐᕌᒍᓂ ᐊᓂᒍᕐᓯᒪᔪᓂ, ᐱᓇᓱᑦᑎᕗᑦ ᐃᓚᐅᒍᓐᓇᓯᖃᑦᑕᓯᒪᔪᑦ ᐊᑦᔨᒌᖕᖏᑐᐹᓗᓐᓂᒃ ᐱᓇᓱᐊᑦᓴᓂᒃ ᑲᒪᒍᑎᓂ.

ᐊᓪᓚᓂᐊᕐᓗᑎᑦ

ᑮᓇᐅᔭᓕᐅᕐᕕᓂᒃ ᐊᒻᒪᓗ ᐊᓂᕐᕋᓴᓂᒃ ᓴᓇᓂᖅ

ᓱᓇᑐᐃᓐᓇᖃᐅᑏᑦ, ᐊᐅᓚᑦᓯᔩᑦ ᐊᓪᓚᕕᖏᑦ, ᓄᓇᓖᑦ ᐃᓪᓗᒪᕆᖁᑎᖏᑦ, ᐊᒥᓱᐃᓖᑦ ᐊᓂᕐᕃᑦ ᐅᕝᕙᓗᓘᓐᓃᑦ ᑐᑦᓯᐊᕕᒻᒥᒃ ᐊᓪᓛᑦ! ᑲᐅᑕᒃᑯᑦ ᑲᔪᓯᑎᑦᓯᒍᓐᓇᓯᐊᕐᑐᑦ ᓴᓇᓂᕐᒥᒃ ᐊᑦᔨᒌᖕᖏᑐᒻᒪᕆᐊᓗᓐᓂᒃ ᐃᓪᓗᔪᐊᓂᒃ ᐋᕐᕿᓯᒪᑦᓯᐊᑎᓪᓗᒋᑦ ᐅᑭᐅᕐᑕᑐᒥ ᖃᓄᐃᓐᓂᐅᔪᒧᑦ.

ᐃᓄᓐᓅᓕᖓᔪᑦ ᓴᓇᒋᐊᓖᑦ ᐊᒻᒪᓗ ᓯᐅᕋᕐᑕᓂᕐᒥᒃ ᐱᓇᓱᐊᕐᓃᑦ

ᐊᒥᓱᐃᓂᒃ ᒪᓕᑦᑎᒌᓂᒃ ᓄᓇᒃᑰᔫᖁᑎᑦᑎᓂᒃ ᐱᓇᓲᑎᕐᓚᓂᒃ ᐊᑐᕐᓗᑕ, ᑲᔪᓯᑎᑦᓯᒍᓐᓇᑐᒍᑦ ᐊᕐᖁᑎᓂᒃ, ᒥᕝᕕᓂᒃ ᐅᕝᕙᓗᓘᓐᓃᑦ ᐅᒥᐊᑯᕕᓐᓂᒃ ᓇᑉᐸᑎᕆᐅᑎᓂᒃ. ᐊᐅᓚᑦᓯᓲᖑᒻᒥᔪᒍᑦ ᐊᒥᓱᐃᓂᒃ ᓯᐊᕋᕐᑕᕕᓐᓂᒃ ᓄᓇᕕᐅᑉ ᓄᓇᖓᓂ ᐊᒻᒪᓗ ᓴᓇᒍᓐᓇᓱᑕ ᐊᑦᔨᒌᑦᑎᖏᑦᑐᓂᒃ ᐊᖏᓂᓕᓐᓂᒃ ᓯᖃᓕᒪᔪᓂᒃ ᐅᔭᕋᕐᓂᒃ.

ᓄᓇᓕᓐᓂᒃ ᐃᓱᒪᑦᓴᓯᐅᕐᓃᑦ

ᐊᕐᕌᒍᐃᑦ 10 ᐅᖓᑖᓄᑦ ᐱᓇᓱᓕᓂᐅᓕᕐᓱᑎᒃ ᐅᑭᐅᕐᑕᑐᒥ ᓄᓇᓂ, ᐱᓇᓱᑦᑎᕗᑦ ᒪᓂᔨᒍᓐᓇᓕᕐᑐᑦ, ᐋᕐᕿᓱᐃᒍᓐᓇᓱᑎᓪᓗ ᐊᒻᒪᓗ ᑐᑭᒧᐊᑦᑎᓯᒍᓐᓇᓱᑎᒃ ᐃᓱᒪᑦᓴᓯᐅᕐᕕᖃᕈᑎᓂᒃ ᓄᓇᓕᓐᓂᒃ ᑕᒪᑐᒨᓇ ᐃᓄᖏᑦ ᖃᐅᔨᒪᑎᑦᓯᐊᓚᖓᓗᒋᑦ ᐱᕕᒋᓗᒋᓪᓗ ᐃᓱᒪᒋᔭᖏᓐᓂᒃ ᐊᑦᔨᒌᖕᖏᑐᑦ ᐱᓇᓱᑦᑕᐅᒋᐊᖃᓛᕐᑐᑦ ᒥᑦᓵᓄᑦ.

ᓴᓇᓂᕐᒥᒃ ᐊᐅᓚᑦᓯᔨᐅᓂᖅ

ᑲᒪᑎᓚᐅᕐᑎᒍᑦ ᐊᑐᓂᑦᓯᐊᖅ ᐊᓪᓗᕆᐊᕐᑕᓂᓕᒫᓂᒃ ᐊᑦᑐᐊᔪᓂᒃ ᓴᓇᓂᕐᒧᑦ ᐃᓪᓗᔪᐊᒥᒃ, ᐱᒋᐊᕐᓗᒍ ᐊᓪᓚᒍᐊᕐᑕᐅᒋᐊᖕᖓᓂᖓᓂᒃ ᑎᑭᓪᓗᒍ ᑐᓂᓂᖓᓄᑦ.

ᑐᔪᕐᒥᐅᕖᑦ

ᐱᖃᕐᑐᒍᑦ ᐊᓱᒐᓛᓂᒃ ᑐᔪᕐᒥᐅᕕᓐᓂᒃ ᓄᓇᕕᐅᑉ ᐃᓗᐊᓂ ᐊᑦᑕᑐᐊᖑᒍᓐᓇᑐᓂᒃ ᐊᑐᕐᑕᐅᓗᑎᓪᓘᓃᑦ ᑎᒥᐅᔪᓄᑦ ᓯᓂᑦᑕᕕᐅᑎᓪᓗᒋᑦ ᐱᓇᓱᑦᑎᓄᑦ ᐅᕝᕙᓗᓘᓐᓃᑦ ᑎᑭᑫᓐᓇᓯᒪᔪᓄᑦ.